Dvshà mvhøt vhømò we vsvng rì dvgøq shìlvm dvpvt Sister rìí angmaq chøm svng Svrabín koqkám pèò dvshá zàwe bvnlì dvpvt dvbvng shì bøì we Shvngkà.

Dvshà mvhøt vhømò we vsvng rì dvgøq shìlvm dvpvt Sister rìí angmaq chøm svng Svrabín koqkám pèò dvshá zàwe bvnlì dvpvt dvbvng shì bøì we Shvngkà.
Dvshà mvhøt vhømò we vsvng rì dvgøq shìlvm dvpvt Sister rìí angmaq chøm svng Svrabín koqkám pèò dvshá zàwe bvnlì dvpvt dvbvng shì bøì we Shvngkà.
Catenia kèní Servents of Divine Providence Sisters mama mvdò riínø Italy yvng svng tuq lú:ngìwe dvshà mvhøt vhømò we vsvngrì Dvgøq shìlvm dvpvt ang maqò chøm svng Romaq yvng vlwe Svrabín koqkám pèò dvshá zàwe bvnlì dvpvt zømdvng we yvng láng lvm dvbø mvrøt shìshaq zíbøà we íe.
 
Wedø íwe tvrà svng svrabín koqkám pè Francisò dvshá zà we bvnlì v-lu zílvm dvng shølshú vgopè Cadinal Konrad Krajewskií Lvbán tiqnì taq lvga tiqgøm vrùò weyvng Sisters rìnø Svràbin koqkám pè Francisí yani laò tvnùng kàru íwe Fratelli tutti svrchøn dò we yvng røtním shìwe kaqsvng vtòò we íe wànø shønò we íe.
MaMa rìínø chøm svng, vsvng mvré zawe mvdò rìí dvbvnò rvt Italy kaqsvng gòng ráìwe dvshá mvhøt vhømò we vsvngrì, ténø Døngkù pè mvlbøì we angmèrì nvng vsvk cvmnø cvmrérì vlwe angmè maq angdang dang kaq dvsha we chøm vsvng rvprì dvpvt Nøtshøm we lúnlvm íe, wàe.
Vsvng (60) jan gø dángtè høq vl lún shìwe ínø nvmlvt tiqshvlá dángtè dvzøm dv bvng lvm ínø mepvng dvzøm dvbvng mvrà angmaq nø angmaq dvzaq shìlún lvm bvnlì rìkaq svng láã dvbvng lvm íe.
 
Wedø dvbvngò we mvdò rìí dvbvng shì bøìwe vsvng (2600) dángtè kaqsvng dvbvng shì bøìwe írvt dvshà we vsvngrì kaqsvng Svràbin koqkám pèí nø nøt mvsøn nvrøm vdòng kení dvbvng sháò we íe. Lesbos kaqsvng (2016) nøng April (16) nì taq dvbù shvng diyvng kení lòwe tvrà yvng Syria móngdàn vsvng (12) gø svng nambøng shø vdòng Svràbin koqkám pèí dvbvng ngaã bøà we íe wanø Vatican Shvngka dvp kení shálún shìè.

Add new comment

17 + 2 =