Dvshà mvhøt we vsvngrì kaq tubùm dvbangā lvm dvkám we

Dvshà mvhøt we vsvngrì kaq tubùm dvbangā lvm dvkám we

February 1 ni taq mìn pindvp kèní āna tølbøà we rat Myanmar móngdàn vdòng mvjànrì dvbung vtnà nø chøm súnwángrì gurò nø yelshì we móng vsvngrì taq á:m aqlvmrì dang àngpvn pvn taq yaklvm shìwvtrì vhømò we rat móng øpshú vgorì kaq Svrabín koqkámpè Francis taq kèní dvkám we nø yanila dvshá mvhøtwe vhømò móng vsvngrì kaq tubùm dvbangā lvm vchyake wanø Jun 20 lvbán ni taq dvkám nø dvtú bøà we íe.

vránø shvnshér we shvrà, kùlwangrì íwe noqngøm chømrì svng vréshì we shvtìnwe mvwà lvm gø dvkám bøà. We lvbán ni St. Peter noqngøm kùlwàng tømø mvngushì ráìwe rvcángcèrì kaq Svrabín koqkámpè taqkèní vjúrøt shvmánāò we nvng Myanmar móngdàn ò yanila dvjà dvpat shvrúng shúrì shvngbe taqkèní gø vjúrøt dvbangā ràwe dang dvkám bøà we íe.

Àngshønwe taq vle vmìwe lvbán vdòng Myanmar móngdàn taq vlwe shvngømré shølshú vgorì taqkèní shúngshì we kàrì svng gø tiq dvtàng vrá vring bøà. Vsvng àngkíng mvdàm pin yelshìnø dvshàlvm vhøm bøà. Werì kaq mònggvn kènígø dvsháza tubùmā lúnlvm dvpat røtnímāì wanø dvtú bøà.

Myanmar móngdàn vdòng móng lvmang bvnlì dvpat tvpnø tong shvrúng bøà vsvngrì shvngbe cvn cvn shvlutā lvm dvpat Svrabín koqkámpè Francis taq kèní pin vsúyaq vgorì svng àng boq boq shúnshì bøì we gø íe. Wedø shokshì shìwe nø Svrabín koqkámpè wa mvtaq Myanmar móngdàn móng kèní shvngømré shølshú vgorì taqkèní gø pin yelshì vsvngrì kaq svngpvn dvsháza shóngnøt kèní tubùm dvbangāwe tvràrì svng vko vkáng zíā lvm, noqngøm chømrì, paqzí zùngrì, pònggì zùngrì nvng bvlirì kaqsvng vpø we nøtí vréshì we bvnlì mvwà lvm vyáshì ràwe dang shúnshì bøì we gø íe.