Gvrayí nø mvrà vlwe àngcø àngcèrì kaq ìshøt zi ie (II) tut

Gvrayí nø mvrà vlwe àngcø àngcèrì kaq ìshøt zie (II) tut

Yalòng nvngòn zikànø mvrà vlwe tongrung vsvngrì dvpat gø nvngòn kùngàrì lushì lúnlvm dvpat íe. Pàwálvm wani àngmaqí kadø íwe mvràrì svng vlé bøà we ínìgø zvndvtut Gvray íshøt svng vtoshì lúnòe. Gvrayí àngmaq svng tiqni rvtø taq nøt vwángshì rawe lòngsvng caò we gø íe.

La àngmaqnø vsvngí gur bøòwe vhømò nìgø àngmaqnø gvrayò àngcø àngcèrì ni íe. Gvrayí nøngmaq svng mvsatshì bøì mvshér pvrá welòng svng nø kadøgø shvmáng mvlúnshìlong. Àngmaq lvpat taq kadø mvrøwe, mà shvlawe bvnlìrì taq vléshì bøwe ínìgø àngmaq nø tiq nvmsháni wvtwe nvmpurì ínø tiq rvtø yaq vlíng vpowe nøt vwángshìwe svng wálúnò rìgø íe.

Gvrayí nø nøngmaq kadø vlìwe ínìgø wedønivtoò we íe. Àngmaq svng yáng mvpvnnø kadvgvpgø mvgurò. Svrabín koqkámpè Francis taq kèní kuya gúnrì nvng zakiruò lvpat mvshølrì taqkèní shvbóngnø gø nvngòn ziwe íe.

Mvdàm rvm taq kadø íwe dvjàrì vtanò we ínìgø dòngnøt mvsøn taq vlwe nøtlòngí àngò tiqlvpat svng vlíng vpo lúnò we dang dvkám bøà we íe. Kàngpè yesu nø àng svng shóngshì vsvngrì nvng tiqnøt tiq mvyùng wáshìe. Weratnø nøngmaqí gø gvray kaq àng dvgùng svng shvring lvm wàì.

Svrabín koqkámpè taqkèní dvtú we taq gvray kaq bashàrì taqkèní àng dvgùng svng shvring nø àng jejú svng vtàng lvm wàì. Wedø vtàng we taq vjúrøt shìwe, àngkaq noqngømwe nø àngò jejú svng oqà wawe íe.pàwálvm wani welòngnø síngshá nøt nvng mòngzøllòng svng shvzatā we rat íe.

Gvrayí nø nøngmaq kaq shóngshì lvm dvpat lvpat vlíng vpo nø nøt vwángshì lvm rvtø høqshaq ècaì we mø:í, àngínø nøngmaq svng mvrà shì mà vléshàì we rvtø taqkèní èshòngì we íe.