Gvray í nøngmaq kaq shóngnøt í vzøm we vtoq vtip tvrà svng bøn dvzvŕ mvyø e wawe Svrabín koqkámpè Francis ò mòngkà

Gvray í nøngmaq kaq shóngnøt í vzøm we vtoq vtip tvrà svng bøn dvzvŕ mvyø e wawe Svrabín koqkámpè Francis ò mòngkà

Gvrayí nøngmaq svng àngdè tiqgø dvpat wa dvdamshì we mø:í nø shóngnøtí vzøm we tvrà svng bøn dvzvŕ mvyø we íe. Pàwálvm wani rvcángcèrì taq kámnøt tvrà dang shvnáng shì lúnlvm dvpat àngdè tiqgø dvpat wa dvdamshì we tvràrì mvwá shìlvm dvtúnø dvshvt we íe.

Dvsháza shóngnøt gvlshì ràe wawe taq vjú tiqpvn pvn dvpat dvdamshì we mø:í nø shèrwe nøt mvsøn taqkèní shvng shvng wa gvlshì ràwe svng shvdøm we íe. Yalòng nø gvray àng jejú svng oqà wawe nvng Gvray àng dvgùng svng shvring we gø íe wae.

Yohán 6:24-35 ciq taq Vsvng loksokrìí nø, Yesu gø, Ang coqcv́nrì gø weyv́ngø màvl we svng dǿm bǿà kvt, angmaq gø kùngshí we rì taq zv́ngshì nø, Kapernum pa svng Yesu láa:tnà.
25 Tìnúng kupaø angmaqí Ang svng lá lún bǿà nìnø, “Rabbiá, Nà nø ya yv́ng svng kadvgvp ètuqa:pmì?” wa rø:tnòe.
26 Yesuí angmaq svng vtà:ngò nø, “Ngàí angjǿng dìng dø v̄la:tnìni, namaqí Ngà svng èlásha long nø, shálv́m mvshv́lpvrárì èyv̀ngvpshà rvt mø̀í, zidù:ngí nàgàvpshà rvt mv̀ng íe.
27 Gvyaq mv̄nshì we v́mlv́m dvpvt wa mèdèzaqshìnø̀ngni. Vsvng Angcè pèí namaq svng zí daqì we, dvciq lvpat gø̀nshaq høq zá:nò we v́mlv́m svng mv̀ng lá dèzaqshinøng. Kadø íe wani Vpè Gvrayí ni Ang taq Angò dvzøk dvcaqshaq íe,” a:lòe. 
28 Wervt angmaqí Ang svng, “Nøngmaqí Gvray bv̀nlì wá lúnlv́m dvpvt kapà wa ráìe ma?” a:lòe.
29 Yesuí angmaq svng, “Gvray bv̀nlì nø, A:ngí dvzv́r daqà pè svng namaqí kv́mlv́m lòng yalòng íe,” a:lòe. 
30 Wekvt angmaqí Ang svng, “Wedø íni nøngmaqí yà:ngì nø Nà svng kv́mlv́m dvpvt kapà shálv́m mvshv́lpvrá èwàòni ma? Pà tiq pv̀n èwàò ni ma? 
31 Kàru taq ‘A:ngí muqlàng kèní zidòng angmaq svng zí yà:ngà,’ wa nø vrū yà:ngà dø, nøngmaq vkop vkàngmaq nø rvgaq mvgūng móngø manna zidòng v́m yà:ngì,” a:lòe.
32 Wekvt Yesuí angmaq svng a:lò we nø, “Ngàí kàdøng v̄la:tnìni, muqlàng kèní zidòng èzí yv̀ngshà pè nø Moshi mø̀í; muqlàng kèní zidòng mvdø̀ng lòng èzínøng pè nø Ngà Vpè mv̀ng íe.
33 Kadø íe wani muqlàng kèní lāshì daqì nø, rvgaq tø̀m vsvng kaq gø̀nshaq dvcúnaò pè wepè nø Gvray Ang zidòng íe,” a:lòe.
34 Wervt angmaqí Ang svng, “Vkàngpèá, akvt kèní nø zidòng welòng nøngmaq svng mànārnār èzísha lè,” a:lòe.
35 Wekvt Yesuí angmaq svng, “Ngà nø gø̀nshaq zidòng lòng ǿngàe. Ngà kaq di ra vsvng wegǿ nø kadvgvp gø svrí mvshì long; Ngà svng kv́m gǿ ang gø, dvciqciq mvbál long. 
Wawe jømciqrì taqkèní shvdøm nø mòngkà í shvngøt dvtú we svng Svrabín koqkámpè Francis taq kèní dvkám we íe.

Yesu kristuq svng nøngmaqò lvpat taq cúnshì, zángshì lúnhøq dvzaq shàì, àng nvng tiqdø shóngnøt vdòng taq cúnshì lvm wàì. Àngí nøngmaq svng dvshvn dèshér daqìe wanø shvdøm we íe.