Kàngpè yesu nø kadvgvp gø ngànshàpè nvng shvrvm shvrá shìwe vrashì we mv vl

Kàngpè yesu nø kadvgvp gø ngànshàpè nvng shvrvm shvrá shìwe vrashì we mv vl

Døng jøng ni shøn mvyønge, dvløt gvzàmwe vhømò rvtø taq kàngpè yesuí ngàshàpè nvng shvrvm shvrá shìwe, vrashì mv vl.

Kàngpè yesu àngò lvpat taq kadvgvp ínìgø ngànshàpè nvng vrashì we mv vl yàng. Cáng dvchøp we rvtø taq àngmaq svng dam zíòe. Wedø mø:ínìnø àngmaq svng shvyømòe mø:íni àngò màshvlawe dangrì kaq vtànò nø shvngøtnòe. Ínìgø kadvgvp gø shvrvm shvrá shìlvm dvpat vraò we mv vl.

Zishèr tøm rvgaq taqø ngàngshàpè 3 pvn svng røtshì dvgvp yesuí vtàngò we svng vrashìwe íe wa èlán daqnønge. Ínìgø yesuí nø àng kàí vtàng yàngà we mø:í. Gvray shvnshvŕ kàru 3 dang kèní vtàng yàngà we íe. Yalòngnø nøngmaq shvngbe dvpat cvnshì shvla we íe.

Nøngmaq svng yùmvmwe vsvngrì tuqrae. We rvtø taq yadø dèdamònø wedø èwàò wanø vbøí Ewaq svng vra yàngà dø yùmvm ralonge.

Wedø wáshì mvdaq. Ewaq svng vraò nø yùmvm yàngà we vrá bøn dvzvŕ we ínìnø nøngmaqí krvtcøm lvm lòng vhømlvm wa íe. Yalòng svng síngshá ràe.

Nàmaqnø gvray dvbùshvng mòngkà taqkèní wa zømshì ràwe ínø ngánshàpè nvng kadvgvp gø vrashì we bvnlì mèwànøngni wanø Svrabín koqkámpè Francis taq kèní dvkám we íe.