Kám vsvng Christian shvngbe nø shvlawe nøt mvsøn kèní shìni hø kàngngéò dvrá svng shvmáng lvm

Kám vsvng Christian shvngbe nø shvlawe nøt mvsøn kèní shìni hø kàngngéò dvrá svng shvmáng lvm

Kám vsvng Christian shvngbe nø shvlawe nøt mvsøn kèní shìni hø kàngngéò dvrá svng shvmáng lvm dvrárì svng dvrá svng shvmáng lvm dvzaq shìràe. Vránø dvrá vleò rat tongyáng zángò we vsvngrì kaq vpøwe taqkèní kàngngéò tvrà wálún lvm dvpat, angmaqò vko vkáng mà shvmáā lvm dvpat wá dvzaq shì ràe wanø Svrabín koqkámpè Francis í angò Twitter yáng shønò we svng yánglún shìe. Svrabín koqkámpè Francisí shønò mòngkà svng dvtut yàbgì dvgvp vsvng tiqgøò lvpat nø gvray nvng singwe íe walòng svng síngshá lúnshì we íe. Gønshaq nø Gvrayí èzíì we jejú gønpaq gø íe. Vsvngò gønshaq svng shvmángò we dvrá nø gvrayò shóngnøt svng vleò we tvrà gø íe. Vsvng wanø tø shìwe nø angmè puqwá vdòng taq vl bøwe rvtø kèní tø lúnshì we íe wawe svng nøng maqí sháshaq íe. Gvrayí èzíì we gønshaq dvrá svng nøngmaqí vpø lvm døngjá vl e. Ya mònggvn ragvaq taqø móngdàn dvrá vleò rvtø kàngngéò we taq shìwe høq kàngngéò we dvrá vle. Mvrà vl we vsvng ínì gø gvray mvŕdàngø nø vpø we wawe svng dvdam lúnshìe. Werat nø mvrà vlé vléò we vsvngrì kaq kàngngéò we nø angmaq svng nøt língshì lvm nvng shvlawe lvpat taq cúnshì lúnlvm rvtø zíò we nvng lvpat àngshár taqkèní cúnshì lúnlvm dvpat íe. Shìwe høq kàngngéò we dvránø angmaq svng nøtlíng shìlvm rvtø svng shvmángāò we nvng vbónge. Gvray nø nøtlíng shìlvm vsvngrì kaq shóngshì we Gvray gø íe. Yalòngnø Gvray dvbùshvng mòngkà gø íe. Weratnø nøngmaq kám vsvng Christian rìnø shìwe høq kàngngéò we dvrá svng mvshóng wám shàì nø nøt língshì weí lvpat àngshár nvng súnshì lúnlvm dvzaqshì ràwe íe. Weratnø Svrabín koqkámpè Francisí shønò we taq nøngmaq kám vsvngrì shvngbenø shìwe høq kàngngéò we dvrá svng shvmángí we bvnlì yáng dvzaqshì ràwe íe. Vránø dvrá vléò nø tong taq zángò we vsvngrì kaq vpøò we nøt taqkèní kàngngéò we dvrá wálún lvm nvng angmaqò lúngkángrì mà shvmángà nø kàngngèā lúnlvm dvzaqshì ràe wanø Svrabín koqkámpè Francisò mòngkà taq yadø yánglún shìwe íe.