Kangpè yesu nø nømaq svng shóngshì nø rvtø vrvm niqtvp dø vl mvyøè.

Kangpè yesu nø nømaq svng shóngshì nø rvtø vrvm niqtvp dø vl mvyøè.

Vkàngpè yesu ínø nøngmaq dvpat kadvgvp gø dvdam nø roqgvr we, àng kàshøn myøwe nvng nøngmaq nvng vrá níshì mvyø we dvciq lvpat mòngkà íe wawe Svrabín koqkámpè Francisò mòngkà Àngshønwe taq nvmlat taq mòngkà vle, mòngkà nø gvray nvng tiqdø vle we mòngkà nø gvray ni íe mòngkà kèní rvgaq svng mvnòe wanø yohán lèga taq gø yánglún shìwe íe. Gvray ínø nøngmaq kaq svng mòngkà taqkèní rvtø vrvm kàshøn wegø íe. Ya rvgaq paqzí gvzà vlwe vsvngrìí shønò we shvlawe mòngkà rìgø gvzà vle. Wedø shvngøt dvtú we mòngkàrì nø vsvng dvcìrì dvpat vjú ziwe ínìgø dvciq lvpat gønshaq nø zí mvlúnò. Kàngpè yesuò mòngkàrì nø pvlàcè dvpat mvdøng vchyak we íe. We mòngkà taqkèní nøngmaq svng gønshaq èzíì nø shvám shè-aq ìwe gø íe. We mòngkà kèní nøngmaq lvpat svng vháng lún dèzvrìe we mòngkà kèní nøngmaq mvràrì svng roqgvr nø chutcháng ngò wegø íe. We mòngkà nø shóngnøt, mvréza nøt gø íe. Vránø we mòngkà nø shagóng lushìnø nøngmaq nvng tiqdø vlwe, nøngmaq svng rvtø vrvm níshìwe mòngkà íe. Vsvngó pvlàcè shóngnøt, shagóng nvng nøt mvsøn shvngbe svng chutcháng lúnòwe lòngnø we mòngkà wa íe. We mòngkà svng nø kapvn ígø shvmáng mvlúnò pàwálvm wani we mòngkà nø gvray ínø gvray taqkèní bungwe, Gvray shàngshér pvlàcè dvciq lvpat cúnshìwe gvray nøngmaq dvpat kadvgvp gø vjú vl we mòngkà íe. Weratnø Svrabín koqkámpè Francisí shønò we Vkàngpè yesu ínø nøngmaq dvpat kadvgvp gø dvdam nø roqgvr we, àng kàshøn myøwe nvng nøngmaq nvng vrá níshì mvyø we dvciq lvpat mòngkà íe wawe mòngkà svng nøngmaqí yadø síngshá lúnshìwe íe.