Romania taq bønbøì we svmi dvjáng nvng Philippines móngdàn taq bøn we daypung mvru mè rat mvhøt lvm vhømò we vsvngrì kaq Svrabín koqkámpè Francis taq kèní vjúrøtā we

Romania taq bønbøì we svmi dvjáng nvng Philippines móngdàn taq bøn we daypung mvru mè rat mvhøt lvm vhømò we vsvngrì kaq Svrabín koqkámpè Francis taq kèní vjúrøtā we

Vle á:mì we lvbánni taq Svrabín koqkámpè Francis taq kèní daypung mvru mè møt ráì we mvtaq tìtøng weí dvshà mvhøt lvm vhømò we Philippines móng vsvngrì vtì tøngwe dvjáng taq vrá zàn dvtut vhøm bøà. Ya dø naqciqriq we Vamco daypung mvrùmè rat vsvng 67 gø shìbøì nø vsvng gvzà dvshà lvm vhøm bøà wanø nvmlat shvngkà taq vtàn bøà we íe.

Yalòng nø angwàò angcé mvzuqnøng mvdàm téwa zaq we íe wanø shálún shìe. Yadang nvng sing nø Svrabín koqkámpè Francis taq kèní móng vsvngrì kaq dvsháza we kàru dvkang we, tùbum dvbangā we vsvngrì kaq oqà wawe shvngkà vringvtnà we íe. Philippines vsúyaq kaq svng gø ya dvjáng lòng kèní cvn cvn mvngàn lúnlvm, mònggvn móngdànrìò tùbum dvbang we rì cvn cvn vtoshì lúnlvm vsúyaq kaq svng dvkám bøà we íe.

Romania móngdàn vdòng taq Covid 19 yóga zønlì zínkéò vsvngrì kaq cìzí shìwe cìróng svmií vkat we shvngkà Romania móngdàn Piatra Neamt myuq taq vlwe móng vsvng cìróng nø Covid 19 yóga zínkéò vsvngrì kaq cìzíò we shvrà ínø vle vmìwe lvbán 6 ni taq svmií vkat bøì. We yángø vsvng 10 gø shìnø 17 gø dvlá shì bøì we taq Svrabín koqkámpè Francis taq kèní nøt mvbyo lvm íwe svng vtànvt nà.

Yani la Romania móngdàn taq Covid 19 yóga zínkéò vsvng 350000 vl nø shì vsvng 9000 dángte vl we íe. Ya gùn dvtøpwe svng èyàngvtnò dvgvp mònggvn taq Covid 19 yóga nvng shì vsvng luq vtang íwe móngdàn 20 móngdàn taq vbá we svng shálún shìe.