Rvcángcèrì ò lvpat nø cvndøng dvrárì vdòng taq wa vl lvm mø:í wawe.

Rvcángcèrì ò lvpat nø cvndøng dvrárì vdòng taq wa vl lvm mø:í wawe.

Rvcángcèrì ò lvpat nø cvndøng dvrárì vdòng taq wa vl lvm mø:í. Shvnshér pvlàcè ò tvràrì svnggø cvn dvgøm ràwe íe.

Svrabín koqkámpè Francis taq kèní vle vmì we lvbán vdòng shvngømrérì nvng vhøm nø dvmvn we taq Yesu kristuq svng kám vsvngrì moshì dvrá taqkèní lutshì lún yàngì we dangrì vtànò nø shvdøm bøà we íe.
 
Dvzvŕ polò ò lèga gø rvcángcèrì ò lvpat àngshvr dang vru yàngà we yánglún shìe. We kàru taq rvcángcèrì ò lvpat àngshvr nø cvndøng dvrárì dvpat wa mø:í nø shvnshér pvlàcè ò shvngøt dvtú we ku cúnshì ràwe íe wae.

Yesu kristuq ò dvshà mvhøt we tvrà, shìyáng kèní vrá zunwe dang rìnø kàgvp ànglí batò dvrá rì svng shóngnøt tvrà kaq vlíng vpoā nø dvkøm dvzøp bøà wae.

Pàwálvm wani moshì dvrá svng gurshì we mø:í, shóngnøt wawe cvndøng dvrárì àngshvr svng vrangshì we íe.

Weratnø nøngmaq mvsøn nvrøm taqkèní shvnshér pvlàcè ò bvnlì svng oqà walvm wàì. Vsvng tiqmaqí Galatia kèní kám vsvng tiqmaq kaq Moshi dvrárì svng cvnlvm mvdøng mvdaq dvkám yàngà.

Dvzvŕ polò í welòng cvndøng dvrárì svng vgámò nø gvray àngò chutcháng we tvrà nø kømzøp we dang dvtú yàngà we íe.
 
Wekvtwa rvcángcèrì ò lvpat àngshvr svng vto shì lún:ì we íe. Lvpat welòng nø kàgvp àngshvr ò dvkám we shóngnøt zøngwe tvrà íe wanø Svrabín koqkámpè Francis taq kèní dvkám nø dvtú bøà we íe.
Ref: Rome Reports