Seré vtvng we anà yógà nø Shóngnøt mv-vlwe yógà íe.

Seré vtvng we anà yógà nø Shóngnøt mv-vlwe yógà íe.

Lvpat taq Serè vtvng we yógà nø kàpàn yógà ímá? Cancer yógà ímá? Tibì yógà ímá? Yàrvtø taq vkøn we zìnlì yógà ímá? Mví we íe. Vsvng Lvpat taq Seré vtvng íwe yógà nø mvshóng shìwe, shóngnøt mv-vlwe, shóngnøt mvzàng we yógà íe. Nøngmaqó shóngnøt mvzàng we svng nøtlùm we lúnlvm dvpvt Nøngmaqí kà dángbaq dángtè mvdè we vhá bøshà mà mvshà shìwe íe. Gvmsòng vlrat vhá:ngámì kè cømsaq mòngzvl lvm vle wa nøngmaqí lá:nì we ínìgø shóngnøt wawe svng gvmsò:ngí wàn mvlún shìwe íe. Yáng lúnshìwe mònggàn taq nøngmaq vlì shàwe ínìgø ngàngdøng wenø shóngnøt íe. Nøngmaqí màtò ìwe mvdvm shvle dángtè wa shvnvp shìwe íe. We rat mvdvm shvle taq kèní wanø Shóngnøt mvdøng svng yánglún lvm nø mví. Wedø írat yarvtø taq nøngmaq vtòq vtìp nø vrám vrá lvm vchvk we svng dømshá lvm ràwe íe. Kàngpè Yesuq nvng gø gvzá vbóng we íe. We lòng nø cømsaq mòngzvl we svng Kàngpe Yesuí dvtvn bøà dø tiq dvchá nøngmaq nøt mvsøn bángkà svng poq ìnø Kàngpè Yesùí cì lvjvng ngà lvm svng vlømshàì wang dvtit tvlè we kà íe. Kàdvlíng: paul Hpu Ye Dwi.