Svrabín koqkámpè ò July shvlá dvpat vjú røtā we nø svngpvn dvcìrì vzøm lvm tvrà íwe.

Svrabín koqkámpè ò July shvlá dvpat vjú røtā we nø svngpvn dvcìrì vzøm lvm tvrà íwe.

Gvray shvnshér kàru taqkèní rvmjà shvlá lálún shì bøwe vsvngnø zaqshøp tiqlòng lúnò we ni íe wae. Vdèò rvmjàrì mvdàm vsvngrì shvngbe nvng vzøm vzap lvm tvra kaq vrang shàì wanø vrì:ngvtà. Nøngmaq shvngbe nø cvm vtang gø nvng vzøm lvm tvrà svng dìlvm rà vchyak we íe.

Vsvngrì í mvhøt lvm vhømò vdòng taq pàti mvlvn vsvngrì kaq yilshì vdu longe. Tiqgø nvng tiqgø tasvng shvngo kewe tvrà svng mvwà lvm dvkám we íe. Téwa dèni bat mònggvn taq āna, dvgùng rìsvng vtøl kenø mvjànrì dvbung lú:ngà.

Vsvng dvcìrì dvhø tasvng vzømwe tvràrì taqkèní mònggvn dvjà shvlá svng vrang lúnlvm ínø we tvra svng dílún lvm gø dvzaqshì ràwe íe. Svngpvn tóng laqyàrì, wulaq bvnlìrì, móng lvmang bvnchvtrì svng nøngmaqí shvrúng nøt taqkèní shvzøm lvm dvpat tasvng shvngo kéìwe nvng tasvng roqgvr kéì we taqkèní tiqgø nvng tiqgø mvwámshì we nøt laqyàrì svng gø shvzøm lúnlvm dvpat vjú røt dvzaq shàì wanø Svrabín koqkámpè Francis taq kèní dvkám we íe.