Svrabín koqkámpè Francisí Covid-19 yóga vgám cì, nvmlat túlvm vto bøà we shvngkà.

Svrabín koqkámpè Francisí Covid-19 yóga vgám cì, nvmlat túlvm vto bøà we shvngkà.

Svrabín koqkámpè Francisí Covid-19 yóga vgám cì, nvmlat túlvm vto bøà we shvngkà.

 Svrabín koqkám pè Francisí Covid-19 vgám cì, nvmlat túlvm vto bøà we íe. Vatican yvng vlwe vsvng loksokrì zaqlèrì svng vhøm nø vtoq vtip lvm shvrà íwe Svrabín koqkám pè Paul (6)ò chøm tøngnø vdòng taq Svrabín koqkám pè Francisí nvmlat tiqpoq svng (Pfizer) yvng kení wàòwe Covid-19 vgvmcì tú lvm svng vtoò dvngí (3) Lvbán vdùng taq (2) poq wapoq túlvm svng gø vto lvm íe, wae. Svrabín koqkám pèí nø Vatican yvng nvmlvt covid vgvmcì svng vtoò dvngí Covid vgvmcì túlvm dvpvt vatican kení dvshvt bøà we íe. Tóng laqyà svng vbøò vtoò dang kení Svrabín koqkám pèí covid vgvmcì vtoò hang sømlà dvtvnò we mv-vl we íe. Nvrshì bøì we Svrabín koqkám pè Benedict (16) svng gø gvzà màlé we rvtø taq covid vgvmcì vto lúnlvm ílo:nge wanø bvnlì angké shølshú Cardinal Groge Consweení chvk shønò kà dvkang bøà we íe. Vatican yvng bvnlì wáshú dvzøm shú shangbè svng Covid vgvmcì túlvm ínø vgvmcì svng dvgø shìwe gwit vtvng tvwàn døng yvng gvl lvm íe wanø Vatican yvng kení dvshvngò we íe.

Add new comment

8 + 1 =