Svrabín koqkámpè Francis taq kèní ni vrvm nøngmaqò cøm vnøn we tvràrì nvng jór nvngòn rì mvdàm jejú zílún lvm vjúrøt dvzaqshì ràe wawe dvtú kà

Svrabín koqkámpè Francis taq kèní ni vrvm nøngmaqò cøm vnøn we tvràrì nvng jór nvngòn rì mvdàm jejú zílún lvm vjúrøt dvzaqshì ràe wawe dvtú kà
            
Àngdè lvpat taq jór nvngòn lúnshì rvtø rìtaq vjúrøt we tvrà wáyùl we ínìgø àngdè taq yakwe shìwvtrì vhømshì rvtø rì taqnø wedø vjú røt lvm yakwe svng vhøm shàìe.
 
Nøngmaqò ni vrvm vhømshìwe kùngà vnøn we tvràrì nvng jór nvngòn rì lúnshì rvtø rìtaq vjúrøt shìwe dang dvzaq dvkángshì ràwe svng shvdøm nø nvngòn ziwe íe.
           
Mvhøt nø yakwe shìwvtrì vhømò vsvngrì nø ringnø vpø we vm-aq dvrèrì svng shvrúng nø røtshì we mvvl. Àngmaqnø ni vrvm ò vm-aq lvm dvrèrì nvng àgmaqò nvngòn zìbè svngwa røtshìwe íe.
            
Gvray dvbùshvng mòngkà taq yesu nø àngnø zidòng mok ønge wanø vtàn yàngà wedø ni zidòng mok wawe nø vsvk súnshì lvm dvpat vchyak we vm-aq dvrè tiqpvn ni íe.

Nøngmaq chøm vsvng rìnø yúm vtang tiqni taq tiqboqcè nø todø vm-aq mvngu shàìe. Wedø rvtø rìnø tiqchøm vsvngrì shvngbe bvnlìrì kèní nvrshìwe rvtø taq ídue.
 
Wedø vm-aq rvtø taq Yesu kristuq taqkèní wedø vm-aq dvrè rì mvdàmø dvciq lvpat gønshaq mok døni shvmán dvgøngā lvm røtshì vduwe íe wanø Svrabín koqkámpè Francis taq kèní dvkám nø dvtú bøà we íe.

#rvarawang

#rvapastoralcare

#PopeFrancis #rvanews

Add new comment

7 + 0 =