Svrabín Mòngkà

Vdèí wá mvyø we bvnlì rìsvng yarvtø vna zønlì rat wá mvlúnò ratnø nøt dvshàlvm vhømòrì mvdàm téwa dvshà mvhøt we vsvngrì dvpat bvnlì wawenø téwa vpøe wawe Svrabín koqkámpè Francisò mòngkà We mòngkà taq nøngmaqí dvdamshì shvla we nøbvnlì wawe lòngnø kadvgvp gø bevmwe mv-vl vsvng wawe nø shìni hø bvnlì wárà we íe. Ínì gø tiqmaq taq bvnlì wá mvyø we ínìgø bvnlì lá mvlúnò we gø vle. Bvnlì svng gvzà vpøòrì vldø tiqdvchá bvnlì svng vpø mvsháò we vsvngrì gø vle. Bvnlì vrvm nø vsvng dvcìrì dvpat vpø vtangwe tiqlòng ni íe. Bvnlì wawe taq shvlawe, jejú vlwe bvnlìrì nvng màshvla we, mvrà lúnshì we bvnlì rìgø vle. Shvlawe, jejú vl we bvnlìrì nø vsvng tiqgøò dvgùng vháng dvzvŕò wegø íe wedø vl we bvnlìrì taqkèní dvshà mvhøt we rìsvng dvbangā we vdè mvdàm màdá werì svng zíò bvnlìrì nø gvray dvbùshvng mòngkà nvng vbóng we bvnlìrì íe wawe svng nøngmaqí dvdam lúnshì we íe. Yadø vna zønlì ratnø vdè mvdàm nø dvshàwe vsvngrì gvzà vle. Vdèí wá mvyø we bvnlìrì vlwe dø tiqdvchá dvgárì dvpat wá vdu nø jèjú lúnshì we bvnlì svnggø dvdamshì shvlawe íe. Weratnø vdèí wá mvyø we bvnlìrì wá mvlúnò rat vbønshì we vsvngrì mvdàm téwa màdánø dvshà mvhøt we rìsvng dvbang lúnò tvrà nø téwa vpø we svng nøngmaqí dvdam lúnshìe. Weratnø Svrabín koqkámpè Francisí shønò we taq vdèí wá mvyøwe bvnlìrì svng ya rvtø vna zønlì rat wá mvlúnò ratnø nøt dvshànø vbøn shàì we mvdàm téwa màdá nø dvshà mvhøt vsvngrì nvng vsvngí mà rvtøò vsvngrì dvpat wáshìrì dvpat wáshì rìnø téwa vpøe wawe svng dvdam lúnshì we íe.

Add new comment

1 + 3 =