Svrabin Francisi Shxnno We Mongka

Svrabin Francisi Shxnno  We Mongka

         Svrabín koqkámpè Francisò mòngkà Shóngshøngwe pèmè vnvm vchang maq mòngàn taq vsvng angpvn pvn vlwe taq vsvngrì svng rvgaq dvrè dø wàò nø nvmvm we svng yánglún shìe we lòng svng Human Trafficking wa nø vlò we íe. We dø íwe taq vdá mvgàmrì taq kèní vshuq wàlvm dvpat angmaq kaq nvmvmòwe, tiq maq taq cèlcèrì wa lvm dvpat angdèò angsø angcèrì nvmvmòwe, toq maq taq àngchømwè washì lvm mø:íni mvgàm màshvla we bvnlìrì wá fvzár lvm dvpat nvmvmòwe nvng bvnlìrì taq dvzár-vm lvm dvpat nvmvmòwe svng yáng lúnshìe.

                Kàshvbóng vdè Myanmar móng vdòng taq kèní svma svrécèrì svng nvmvm shvlevmò we svng gvzà tálún yánglún shìwe íe we wa mvtaq vdè dvcìrì dvhø taqø gø vdá mvgàmré rìkaq svng angdèò angsø angcèrì kaq svng dang angpvn pvn taq kèní nvmvmòwe svng yánglún shìe. Wedø íwe vsvngrì kaq dvrèrì dø nvmvmwe Human trafficking svng vgámwe vsvngrì gø vl we íe. We lòng Human Trafficking nvng sing nø Svrabín koqkámpè Francisí July 31 ni taq shøn bøà we nø vsvngrì kaq rvgaq dvrèrì dø nvmvmwe nø záyang ziqyàng zønli angpvn pvn vkøn we dø waò we nvng vbóng we íe we dang nvng sing nø vgám we vsvngrì kaq svng gø gvzà oqà wá mvyønge. We dø íwe tvrà vmáng lún lvm dvpat té wa dvzaq shìra we tvràrì gø gvzà vle wanø tvnùng bøa we íe.