"Svrabyin Francis í twiter yvng shønò we Mongkà

"Svrabyin Francis í twiter yvng shønò we Mongkà
Monday, November 02, 2020
"Svrabyin Francis í twiter yvng shønò we Mongkà
" Mònggáng taq cildang lànglvm rvt dvgø shìwe gvmsùng rì svng rvgaqtøm taq vm aq mv-lunò we vsvngrì kaq dvbang nø shvyūmo we bvnlì nø téwa nònggùn vlē wàe. Yalòng taq kèní mvjvnrì shvmvng lúnò nø Vtvngshaq dvsháhoqírì svng shvyūmo lòng íe, wàe. Yadang svng dvdam nø yà rvgaq yvng vhvng we móngdvn taq laknak vdá we svng yvnglún shie.
Vkvt dø laknak vdá mv-gam lòng nø dvgá móngdvnrií svrē lvm rvt íē,wa vto shì we svng shálún shìe. Vrá nø āna svng Shu:ngshì ri nø vpø vtvng we laknak rì taq Gvmsùng gvzà dvbéò nø wào we svng gø shálún shìe. Nugalia laknak rì svng wào nø Mongdvnò Gvmsùng rì gø gvzà dvbéò we svng shálun shìē. Vrá nø mvjvn rvtø svnvtri, nvmbøng shøchømri, vti shøchømrì àngpvnpvn waò nø móngdvn Gvmsùng rì mvmè dvbéò we íē. vkvt dø vhvng vtvng vpø we pvnrì wàò lòng nø móngdvn nvng móngdvn taq vl we mongzøngce rì svng dvshá dvzvr long íē wàe. Wervt vhvng we vpø we laknak rì svng shvyūm we nø, móngdvn vdòng vl we dvshá dvrē vhømo we, vm-aq mv-lunò we dang shvyūmo we bvnlíri íe wàe. Wervt rvgaqtøm taq lànglvm laknak rì svng Gvmsùng mvmè dvbe lvm dvle mònggáng móngdvn taq vm aq mv-lunòri svng dvbanglvm dang dvnúngò long nø té vtvng vpø vtvng íe wa nø svrabyin Koqkvm Francis shønò we svng shálún shìe.
 
 

Add new comment

6 + 14 =

Quick Links