Svrabyin Koqkvmí shøno we shvngkà

Svrabyin Koqkvmí shøno we shvngkà

Vlé à:mi we September 28 ni taq Svrabyin Koqkvmí shøno we shvngkà svng tiqkvt vrá táshì lvm wàì. Vpøí we pèmè nvmchvngmaq Svrabyinpèí kadø shøno má wàni, Yesu vkangpèò mvshāmhoq rì,svri shi rì, tìpāl rì, bēlaq mà-dá rì,tùngrong rì dvshá dvrē íwe mvshāmhoq rì vdòng yv'ng yvng lún shìē wàe. Wervt angmaq svng dvpvng lvm nøngmaq svng ègo íē, wanø Svrabyin Koqkvmí nònggwøn zí nø dvkvmè. Vrá nø nøngmaq shvngbe svng mvshāmhoq rì nvng tiqdø epvn emvn yang Shà we íē.

     Vkangpe Yesuò chutchvng we bvnlì nø Shansher we Gvray Mongkà taq kèní yvng lún shì we íē. mv-ra vdá íwe nøngmaq svng angò shóngnønt taq kèní shelut yàng shà we svng dvdvm lúnshì e.Vkangpe Gvray nø dvshá dvrē íwe mvshāmhoq rì, tungrongòri, hí-wūr mà-shvlā rì, Neman rì, góng dvshíkèò we vsvngrì, mv-rà vlri vsvngriò mv-rà svng shóngnønt nì chutna we gvrayí we svng Shansher we Gvray mongkàri taq yvng lúnshì e.Vra nø, gvrayí nø angí pvnman bøā we pvn vrvm shvngbè mvdvm taq angò shóngnønt dvtvnò we svng yvng lúnshì e.

Vkangpe Yesu nø dvshá rì nvng mvshāmhoq,cvm vtvngi rì taq àng nø dvtvnshi we svng yvng lún shìē.Wervt nø nøngmaq vdòng taq mvshāmhoq mø-í ni, wángza rì nøngmaqí mvrézā nønt kèní dvpvngì lòng nø vkangpè Gvray kaq svng Shóngshàì lòng íwe svng dvdvm shvlà e.Wervt svràbyin Koqkvm í shvdøm mvyø' we taq, rvtø vrv'm vdè shvnvngø dvshá dvrē vmlvm aqlvm svri shì vhømò rì, zāyvng angpvnpvn vhømò rì, wángza mvshāmhoq írì svng vkangpe àng shóngnøntni mvrézā lvm rvt gvrayí nø nøngmaq svng ègo bøshà rì íē wa dvkvme.