"Svrabyin Koqkvm Francis í twiter yvng shønò Mongkà"

"Svrabyin Koqkvm Francis í twiter yvng shønò Mongkà"

Vsvng tiqgø cunshì lúnlvm rvt vpø dø vháng vlúnlvm dø cunshì lúnlvm rvt vming vkvng vlē.vsvng tiqgø o vpø e wa long nø dvgá yv'ng kèní lúnshì we mø-i nø Vsvng wawe taq kèní lúnshì we íe wanø Svrabyin Koqkvm Francis í shønò we svng Mongkà taq kèní yvnglún shìe. Vsvngo vpø we tvrà showman dignity wa long nø gvrayí vsvng nvmlat gvlò yvng kèní lúnshì we kønpaq long íe. Vsvng nø vháng vlun rvt Gvmsùng svng lúnò rvt vpø we tvrà mø-í.

Gvrayí emvni yv'ng kèní angò Shaq vbá írvt nø Vpø íwe íe.

 

Vsvngo vpø vtvng kønpàq long nø dvshá dvrē iní gø,vdamvgam we íni gø Gvray mvrdvng yv'ng tiqra íē . Vsvng nø vháng ra we íe tiq mvdò wa vháng lvm mø-í wa long svng dvdam shvlāe. Vsvng mvdò dvcí vram nø vháng ra we íe wa long svng dvdam shvlāe. Vsvngo kønpaq long svng nø gvmsùngí gø wvn màshvla,rvgaq dvrērì ígø dvlé màshvla vpøe wa long íe. Vsvng shvngbe nø cvm gø tégø vpø e wa long íe.vsvng tiqgø nø mv-gøm mvzup we vl ni gø vháng vlúnlvm vming vkvng vlē. Vsvng tiqgøò vpø long nø dvgá yv'ng kèní lúnshì we møi vsvng wawe tvrà yvng kèní lúnshì we íe.