Twitter yvng Svrabyin Koqkvm Francisí shønò we Mongkà taq,

Twitter yvng Svrabyin Koqkvm Francisí shønò we Mongkà taq,

Gvray kaq Kvmì we rvsvngcérì vsvng Shvngbè svng Shóngshà í lòng nø shvngbè mvdvm nvmlat tiq íe wàe wanø shønoe. Vyáshì rà lòng nø shóngnønt svng dvtvn mv-ne shì long íe wa Svrabyin Koqkvm Francisí shønò e. Mònggáng rvgaqtøm yvng vl we kvmnønt tvrà shvngbe nø shóngnønt tvrà svng shvngøtò we vdòng taq cvndøng we svng yvnglún shie. Vsvng nø Shóngnøntnì vde gønshaq dvbum Shi we tvrà, shóngnøntnì cunshì we tvrà íe. Shóngnønt wa we mà-vl kvt kèní shvla we bvnlì jèjú lúnshì lvm gø mà-vl.

Shóngnønt rvt Ka:mi we tvrà, noqshaì we tvrà Gvray kaq shvkun íwe tvrà gø íē. Shóngnønt rvt tiqchøm vsvng angmvdo Ku v-lì long gø íē. Shóngnønt rvt mvrà vchut keì nø vrvm vrā ilong gø íē. Shóngnønt rvt gvray í mvnò we gø íē. Shóngnønt rvt vkangpe Yesu gø wurgang mvdvm gønshaq dvbūm shì we gø íe. Shóngnønt mà-vl kèní nø cunsha íwe lvjøm gø mà-vl. Gvray gø shóngnønt íē wa nø Shansher Karù taq gø yvnglún shìe. Wervt kvmì we rvsvngcéri nø gvrayò mvrézā shóngnønt svng dvtvn lún we dvbúng lún we wáshì lún ràe. wanø dvkøm we íe.