US Svrado ri keni, Byadario tvra svng dvchxplvm rxtno

America Svrado mvdori keni Byadario tvra svng dvchxplvm dvpvt rxtno

US Catholic Svrado gvba mvdo ri keni, Byada(Police) rio tvrari svng dvchxplvm rxtno long svng June 26 niqo Vatican Shvngka keni shalun shie.

Yadx rxtno long nx, vsvng dvci vdong, shvngoshi we tvra, madvra we tvra ri svng vgvmlvm dvpvt i nx, vlevmmi we rvtx yvng "George Floyd" txo pe svng shvtno rvt gx ie. 

Vmerican vsvngri vdong yvng, vsvng dvci tiqme nvng tiqme mvshongshi we long nx, gvza mvshvla we bvnli, mvshvla we mvshxr i we svng Svrado mvdoi shxnoe. 

Mongdan vdong yvng, dxngmvn we mongzxl lunshilvm, dvra we long svng cvndxng we keni wa lunshie wa nx shxno. Vra nx, US Pyvnla rio dvra svng dvchxp lvm, Svradori mvdo keni "policy" zio long svng shalun shie. 

US Svradori keni vjurxtno nx, "Nxngmaq nx Mongdan lvpvt Mongzxl lunshilvm dvzaqshi we vsvngri i rae" wa nx shxnoe.