Vjú røt shìwe nø rvtø vrvm taq vlíng vpo lúnshìe

Vjú røt shìwe nø rvtø vrvm taq vlíng vpo lúnshìe wae svrsbin koqkam pe Francis o mongka

Gvrayí nøngmaqò vjúrøt kàsvng kadvgvp gø ètáāì we svng Yesuí shvngbe kaq síngshá dèzvr bøshà. Pàwálvm wani Gvray àngí dvshà mvhøt vhømò we àngcø àngcèrì svng mègurì we rat íe.

Tiq kvt kvt nøngmaqí røtshàì we dángte mvbøn long dvgvp nøt vtiqshì sháìe. Vjú røt shì mvbat taq pà tiqpvn gø mvbøn long we rvtø kadángte vlbøi má? Nøngmaq taq yadø íwe dangrì vhøm sháìe. Wedø írawe rvtø rì taqgø nøt mà dvcvmshàì nø vjúrøt dvzaqshì lvm kàngpè yesuí nvngòn èzíì we íe.

Vjú røt we taqkèní chvpdap bønwe lvpat rìsvng gø vlíng vpo lúnòe. Nøngmaq shvnvng gùr gùr rì taq màlíng màpo we ínìgø àngdè tiqgóng cènø vlíng vpo shì lúnìe. Vjú røtshì vsvng gø vrvm kaq shànshér pvlàcèò jejú zílvm íe wanø Yesuí dvkám shaq íe. Yesuí yadang svng wálúnò we gø shvngbeí síngsháìe.

Nøt vtiqshì lvm mv-vl nø we rvtø svng ca shàì. Gvray àngyáng kèní jejú vtoshì lúnlvm dvpat àngdèò lvpat yànggùn taq vjúrøt shì lvm rà vchyak we íe. Nga røt we àngcè kaq vbø ziwe àngpè kayáng vle má? Tiqni tiq rvtø taq nø nøngmaq shóng shàì we dangrì nvng mòngzøl lòng shvngbe svng vto shì lún daqìe.

57am

Aa

Add new comment

2 + 8 =