Vjúrøā we nø tiqdá vsvng kaq pvlàcè dang vnøn we tvrà kèní chutchángā lún:e

Vjúrøā we nø tiqdá vsvng kaq pvlàcè dang vnøn we tvrà kèní chutchángā lún:e

Svrabín koqkámpè Francis taq kèní dvkám we mòngkà taq kàngpè yesuò mvr shøngshvng vmvtwe kaq svng dvdam:ì nø vjúrøt dvzaqshì weí rvgaq yachàng svng chutcháng ràwe svng dvkám bøà we íe.

Vle vmì we lvbán niò mòngkà taq kàngpè yesuò mvr shøngshvng vmvt vmwe dang svng dvdam nø pvlàcè tvrà taq dvtøp shì lúnlvm, yesu nø shì yáng kèní zunnø shì lòng svng dáng kéò we chutcháng tvrà svng vrá kám vsvng rìkaq shvdøm we íe.

Nøt rvyù rvyúng we

Dvzvŕ rìnø kàngpè yesu mvr shøngshvng vmvtwe shìgùng svng ngang lvm dvpat yesu mèpvng cvn á:mì. Yesuí àngmaq svng shìlòng svng dánglún we dang dvkám mòe. Àngò mvr shøngshvng vmvt lúng:ì nø gónggwá rìgø shør lúng:ì. Yalòng nø svre vsvng rìkaq dølòng kèní lutshì lúnlvm dvpat gálòng svng ziwe íe wa vlòe.
Svrabín koqkámpè Francis dvtut shøn we taq nøng maq shvngbe nø gálòng svng dvtanā lúnwe nvng rvgaq yachàng dvpat roqgvrā lún we gálòng ílúnlvm nvngòn ziwe íe. Yadø lvpat rì nøng yesu shìyáng kèní zunwe bóy àngni taq dvbùì weí nøngmaq nø yesu àng nvng tiqdø we shìgùng mvdàm svng ègoì we íe wanø tvnùngvtnà.

Pvlàcè dang vnøn we

Svrabín koqkámpè Francisí dvkám we mòngkà taq nøngmaq nø tiqni mvdàm tiqni vlíng mvnshàì we taq shóngshàì we ínì gō pvlàcè dang vnøn we tvrà taqnø vto shì lvm mvbl long. Kàngpè yesu àngí nøngmaq shvngbe svng ègo ìe. Àngnvng tiqdø shìgùng svng ngangwe tvra gø àngdèò chvpdap lvpat svng vná shìlvm dvpat mø:í. Vjúrøt shìwe gø yaklvm shìwvtrì svng yvlshì we mø:í wanø dvkám we íe.

Svrabín koqkámpè Francis taq kèní rvcángcèrì kaq svng Gvray àngò gáwe dvbùshvng bvnlì svng mònggvn kaq dvsher lúnlvm dvkám we íe. Rvcángcèrì ò dvbùshvng bvnlì wawe nø vsvngrì ò mvsøn nvrøm kaqsvng gálòng ziwe, shóngnøí chutcháng we tvrà svng dvtanā we dvbùshvng bvnlìrì ò gálòng dø vlì we íe wanø nvngòn ziwe dvkám kà tvnùng bøà we íe.
 

Add new comment

5 + 11 =