Yesu àng shagóngnø shvnshér vsvngrì dvpat gømpaq mø:í ínìgø mvrà vl vsvngrì dvpat á:mpà íe.

Yesu àng shagóngnø shvnshér vsvngrì dvpat gømpaq mø:í ínìgø mvrà vl vsvngrì dvpat á:mpà íe.

Svrabín koqkámpè Francis nø we Yesuò shagóng bóymè àngni taq rvcángcèrì kaq gvray àngò gømpaq íwe yesu àngò shagóng svng vtoshì ràwe nvng àngò gømpaq tiqlòngku shvring lúnlvm dvkámwe íe.

Italy móngdàn taq ínìgø, dvgá móngdàrì taq ínìgø yesu kristuq àngò shvwi nv shagóng bóymè àngni svng wáshì we yani taq yesu kristuq àngò lvpat døni nøngmaq lvpatrì gø àngò gømpaq tiqlòng ku cúnshì lúnlvm dvkám we íe.

Àng shøn we taq Marko 14:12-16, 22-26 Shvlé bóy núngpà shvrúnglv́m vyv̀ngcè sha:tnò we, Zidòngsér Vmbóy nv̀mlat ni taq, Ang coqcv́nrìí Ang svng, “Shvle Bóy v́mpà v́mlv́m nøngmaqí kayv́ng dvgǿalv́m Nà èshònge ma?” wa rø:tnòe.

f 13 Wekvt A:ngí coqcv́n vní pè dvzá:rò nø yadø a:lòe. “Wamà svng èdìv́mshi nø, vbachúng taq tì baqshi we vsvng tiq gǿ nàhǿm bǿshòe. Ang mèpvng ècv̀n bǿshò.

14 Ang kayv́ng gòngvm nìnø wechø̀m angkàng pè svng, ‘Vkàng pèí, “Ngà coqcv́nrì nvng tiqdø Shvle Bóy v́mpà Ngà v́m lúnlv́m, zaqlè dǿng kayv́ng íe?” wa røtne,’ èv̄lshò. g 15 Wekvt dvzøm dvzi dvgǿshaq í we mvdv̀m dvtv̀ng taq, te we tiq dǿng a:ngí nàní lvngà svng dètānvtshìe.

Nøngmaq dvpvt weyv́ngø dègø̀ dáshò,” a:lòe. 16 Wekvt coqcv́n wepèní búngá:mì nø, wamà svng gòngá:mì nìnø, Yesuí angní svng v̄l dárà døni yv̀ng bǿà nø, Shvle Bóy v́mpà dvgø̀òe. Angmaq v́mpà vm dvgvp, Yesuí zidòng lùò nø, shvmá:nò dá:ngí vmø:tnò nø angmaq svng zíò sórí, “Elùv́mnøng nø èv́mnøng; yalòng nø Ngà góng íe,” a:lòe.

j 23 Vrá A:ngí gwìn chv̀ng lùò nø, Gvray kaq oqà wa dá:ngí angmaq svng zíò nø, angmaq shvngbe gwìn chv̀ng kèní aqe. 24 A:ngí angmaq svng, “Yalòng nø mvme gǿ dvpvt shòrò we Ngà kàgvp shvwi íe. k 25 Ngàí namaq svng jø̀ngjǿng v̄la:tnìni, Gvray móngdàn vdòng taq angshv́r tiq kvt bìmtì aqlv́m angni weni mvhøqò dv́ngte, akvt kèní bìmtì yalòng Ngà mvaqlv́m íe,” a:lòe.

26 Wekvt angmaq nø shvring zàywà tiq gø̀m wa dá:ngí, Zanlún Pung svng búngá:mì. wawe chømciq svng dvdam shìlvm dvkám we gø íe. Vháng vtang bvnlì wawe nø dvzvŕ bvnlì svng riwe íe.

Yesunø àngò lvpat làngdøm rvtørì taq vsvngrì kaq shvam shvaq lvm zidòngrì svng vwárāò we mø:í. Ínìgø dvzvŕ rìnvng tiqdø làngdøm dørøm á:mpà vmbóy taq àngò shagóng svng vmøt:nò nøshønwe taq àngdèò lvpat taq vháng vtangwe bvnlìrì nø dvzvŕ bvnlì wawe íwe svng vtàn yàngà.

Svrabín koqkámpè Francis shønwe taq yesu àngò làngdøni dørøm á:mpà vmbóy taq zidòng svng vmøt:nò nø gvyaqshì we ínìgø àngò gønshaqnø dvciq lvpat cúnshì we svng síngshá dvzvŕ we íe. Svrabín koqkámpè Francis taq kèní dvtut shønwe taq yesu àngò shagóng nø mvrà vlé shì vsvngrì dvpat nvngòn kùngà íwe svng shvdøm we íe.

Yesu kristuq nø àng góng svng nvvm we rvtø shi mvhøqò rvtø taq lvpat moksvng dvzvŕ rìkaq shvvm yàngà we we dang rvcángcèrì kaq dvkám nø nvngòn ziwe íe.